Філіял Фаланстэра — различия между версиями

Версия 21:43, 4 ноября 2014

Мэта

Стварыць падмурак і падтрымліваць умовы для ўстойлівага развіцця асветніцкай, грамадзянскай, культурнай сфераў, а таксама трансмежнага ўзаемадзеяння грамадзян праз рэалізацыю лічбавых правоў чалавека, інтэграцыю медыйных і лічбавых тэхналогій у паўсядзённае жыццё супольнасцяў у краінах Еўразвязу і Беларусі.

Напрамкі дзейнасці

1. Міжнароднае супрацоўніцтва. Абмен ведамі, развіццё трансмежных праектаў і валанцерскія абмены з мэтамі развіцця дэмакратыі, адукацыі, навукі, культуры, спорту, абмену інфармацыяй, з асаблівым акцэнтам на ўзаемадзеянне ва Усходняй Еўропе.
2. Арганізацыя навучальных курсаў і тэматычных злётаў. Выдавецкая дзейнасць, у тым ліку выданне асветніцкіх зборнікаў і дапаможнікаў
3. Дапамога ў развіцці лакальных супольнасцяў, дзейнасць, накіраваная на развіццё самакіравання ў суполках і арганізацыях, якія працуюць ў розных сферах грамадскага жыцця
4. Садзейнічанне развіццю і інтэграцыі адкрытых і свабодных тэхналогіяў у дзейнасць грамадзянскай супольнасці. Правядзенне даследванняў у сферы ўзаемадзеяння грамадства і інфармацыйна-камунікацыйных тэхналогіяў. Таксама праводзіць кансультацыі па пытаннях правоў і свабодаў грамадзян у галіне інфармацыйных тэхналогіяў, супрацоўнічаючы з грамадзянамі і арганізацыямі, кантактуючы з медыя.

Заснавальнікі фундацыі

• Міхаіл Волчак
• Святлана Ермаковіч

Структура

Органамі фундацыі з'яўляюцца:

• Праўленне
• Рада

Праўленне

1. Праўленне фундацыі складаецца з не меней 3-х чальцоў, прызначаных Радай тэрмінам на два гады.
2. Член Праўлення можа быць больш, чым адзін тэрмін.

Задачы Праўлення:

1. Арганізуе дзейнасць фундацыі паводле мэтаў.
2. Зацвярджае гадавыя фінансавыя планы.
3. Прымае рашэнні па ўсіх пытаннях, якія не дэлегаваныя іншым ворганам.
4. Не радзей за адзін раз на 2 гады падрыхтоўвае справаздачу па дзейнасці фундацыі і агучвае яго Радзе.

Кампетэнцыі Праўлення:

1. Прымае рашэнні на пасяджэннях, у выглядзе рэзалюцыяў - простай большасцю галасоў; у выпадку роўнай колькасці галасоў, голас Старшыні Праўлення мае вырашальнае значэнне.
2. Паседжанне Праўлення лічыцца дзейсным, калі ў ім прымае ўдзел мінімум 1/2 Праўлення.
3. Паседжанні праўлення могуць адбывацца у тым ліку з выкарыстаннем любых дасяжных інфармацыйна-тэлекамунікацыйных сродкаў (Інтэрнэт).
4. Праўленне можа выбраць з ліку сваіх чальцоў аднаго або двух намеснікаў Старшыні.

Функцыі Старшыні Праўлення:

1. Са згоды Заснавальнікаў можа заключаць дамовы і прадстаўляць фундацыю ў знешніх стасунках.
2. Арганізуе працу Праўлення
3. Cклікае Раду.

Рада

Складаецца з не меней за 5 асобаў. Кожныя два гады рада фарміруе свой склад. Склад рады фарміруецца з усіх ўдзельнікаў Фундацыі, якія пацвердзілі свой удзел у фундацыі. Склад рады фарміруецца з усіх ўдзельнікаў Фундацыі, за выключэннем тых, што былі абраны ў Праўленне.

1. Рада бягучага склікання на апошнім паседжанні фарміруе Раду наступнага склікання на наступныя 2 гады.

Кампетэнцыя Рады:

1. Сцвярджае праграммы і праекты па напрамках дзейнасці фундацыі.
2. Займаецца кантралюючай дзейнасцю, у тым ліку фінансаў фундацыі.
3. Вырашае пытанне аб ліквідацыі фундацыі.
4. Дадае папраўкі ў Статут з пісьмовай згоды Заснавальнікаў.
5. Выслухвае справаздачу Праўлення а праведзенай працы не радзей за адзін раз за 2 гады
6. Абірае Праўленне з пісьмовай згоды Заснавальнікаў.
7. Рада прызначае Старшыню Праўлення.
8. На паседжаннях Рада можа далучаць новых чальцоў фундацыі ў свой склад, а таксама выключаць удзельнікаў, якія вырашылі прыпыніць сваю дзейнасць у фундацыі.

Парадак прыняцця рашэнняў у Радзе:

1. Сустракаецца не радзей за адзін раз на два гады.
2. Прымае рашэнні на пасяджэннях, у выглядзе пастаноў - простай большасцю галасоў.
3. На кожнае паседжанне Рада абірае Старшыню паседжання.
4. Паседжанне рады лічыцца дзейсным, калі ў ім прымае ўдзел болей за 1/2 усяго складу рады.
5. Рашэнні Рады лічацца легітымнымі, калі за яго прагаласавала болей за 1/2 галасоў. Калі за рашэнне прагаласавала пароўну, вырашальны голас Старшыні паседжання рады.
6. Паседжанні Рады могуць адбывацца ў тым ліку з выкарыстаннем любых інфармацыйна-тэлекамунікацыйных сродкаў (у сеціве Інтэрнет), а таксама ў рэале.
7. Рашэнні пра далучэнне ці выключэнне чальцоў прымаюцца большасцю галасоў ўдзельнікаў Рады.

Ліквідацыя фундацыі

1. Вырашаецца 2/3 і болей галасамі ўсяго складу Рады пацверджаная пісьмовай Згодай заснавальнікаў.
2. Не выкарыстаная маёмасць і сродкі Фаланстэра перад ліквідацыяй выкарыстаюцца згодна мэтаў дзейнасці фундацыі па рашэнню Рады і з пісьмовай згоды Заснавальнікаў.