Прывітанне, Навічок! — различия между версиями

Версия 03:39, 3 ноября 2017

Ты трапіў у Фаланстэр. На гэтай старонцы ты даведаешся, як і з дапамогай якіх інструментаў (глядзець усе інструменты):

• размяркоўваюцца задачы,
• накопліваюцца веды і вопыт,
• прымаюцца рашэнні.

Уцягненне ў дзейнасць арганізацыі адбываецца паступова і табе вырашаць, на якім узроўні быць.

Чым вышэй узровень - тым лепш ты разумееш прынцыпы працы Фаланстэра і дадаеш у яго новае.

У той жа час узровень не статычны, як "пагоны", а сітуацыйны. Ты знаходзішся на нейкім узроўні, пакуль ты суадносны з актыўнасцю ўзроўня.

Як у расповядзе пра "Алісу ў Залюстроўе" : "Каб заставацца на месцы - трэба бегчы, каб зрушыць далей - трэба бегчы ў два разы хутчэй".

Узровень 1: овашч

Ты даведваешся пра падзеі і імпрэзы праз сацыяльныя сеткі і знаемых, атрымоўваеш спасылкі праз рассылкі.

Магчыма, у цябе ёсць нейкае ўяўленне, што адбываецца у гэтай арганізацыі на літару "Ф", але неяк усё мутна і незразумела..

Ты знаходзішся на гэтым узроўні, калі
* ты вывучыў назву арганізацыі "Фа-лан-стэр" (сайт falanster.by) і ведаеш некалькі спраў, якія мы робім.

Калі ты жадаеш крочыць далей, трэба:

• пазнаёміцца з удзельнікамі Фаланстэрам ў рэале (схадзіць на імпрэзы ці штомесяцовыя сустрэчы)
• задаць пытанні, выказаць прапановы (калі ёсць)

Узровень 2: турыст

Цяпер ты пачынаеш цікавіцца арганізацыяй больш, даследваць яе.

1. Даследванне сайта і вікі Фаланстэра.
2. Прагляд бягучых справаў

Ты знаходзішся на гэтым ўзроўні, калі
* ты сочыш за навінамі Фаланстэра,
* ты зрабіў адну ці больш валанцёрскую справу.

Каб крочыць далей, неабходна:

• зарэгістравацца ў гэтай вікі
• зрабіць карысную справу для аднаго з бягучых праектаў (або зрабіць данэйт).

Узровень 3: ламер

На гэтым узроўні не толькі ты даследуеш арганізацыю, але і яна пачынае даследваць цябе.

Ты пачынаеш ператварацца ў суб'екта. І ўжываеш сваю крэатыўнасць і сілу ў развіцці Фаланстэра.

Ты ведаеш, што:

1) Раз на месяц каманда сустракаецца і сінхранізуе дзейнасць па напрамках (кожны другі аўторак месяца).

2) Асноўны паток задач знаходзіцца ў трэлла.

• Для асноўных напрамкаў дзейнасці ствараюцца адмысловыя сцены.
• Задачы дзеляцца на стаўбцы.
• Да кожнай задачы можна далучыцца, пісаць ў ёй.

3) Веды і вопыт захоўваюцца ў вікі Фаланстэра. Тут можна знайсці

• Пратаколы штомесяцовых сустрэч
• Накоплены вопыт клубаў і праектаў.
• Тэхнічная падтрымка
• Інфраструктура ў Сеціве...

4) Абмеркаванне важных агульных арганізацыйных пытанняў адбываецца ў Люміа

Ты знаходзішсяна гэтым узроўні, калі ты
* перыядычна валанцёрыш, і дапамагаеш арганізацыі развівацца (часам, сродкамі, інфармацыяй, данэйтамі... і г.д.)
* рэгіструешся ў трелла і пішаш там па валанцёрскіх задачах,
* ведаеш навошта нам патрэбна трэлла, вікі і люміа.

Каб крочыць далей, неабходна:

• даследваць адкрытыя сцены па праектах, якія цябе цікавяць, каб разумець, што адбываецца ў іх
• узяць на сабе адказнасць за накірунак валанцёрскай актыўнасці (напрыклад, стаць піаршчыкам Фаланстэра, ці дызайнерам, ці адказным за бюракратыю, ці пачаць ладзіць клуб або праект)
• быць зарэгістраваным Люміа (на гэтым этапе ты ўжо ёсць у трэлла і вікі)

Узровень 4: ыліта

Дайшоўшы да гэтага ўзроўня - ты ўжо ўдзельнічаеш у стварэнні Фаланстэра!

На гэтым узроўні цябе захоплівае вір актыўнасці...

1. камунікуеш з камандай, адчуваеш сабе часткай каманды
2. бярэш адказнасць за нейкі напрамак дзейнасці (ладзіш свой праект або клуб, ці абіраеш сабе ролю: сісадмін, дызайнер, бюракрат, піаршчык, заўхоз і г.д.)
3. наведваеш сустрэчы Фаланстэра
4. не толькі каментуеш свае задачы ў трэлла, але і прасоўваеш іх, у залежнасці ад статуса, дадаеш іншых удзельнікаў і сумаўляешся з імі...
5. удасканальваеш вікі, рэдагуеш сайт
6. каментуеш і прымаеш удзел у абмеркаваннях пытанняў у Люміа і мэйл-рассылках

Каб трымацца на гэтым узроўні, неабходна:

• Стаць чальцом Фаланстэра (гэта можна зрабіць, пачынаючы са ўзроўня "Турыст")
• Правесці нейкую ініцыятыву (клуб або праект), ці быць актыўным у нейкай ролі. Пасля прааналізаваць плюсы, мінусы і падводныя камяні своёй справы і зрабіць справаздачу ў любой форме. Усё гэта ладзіць, абапіраючыся на прынцыпы працы ў камандзе, камунікацыю з фалангістамі і актыўным удзелам у тулсах каманднай супрацы.

Гэта той узровень, на якім мы бачым актыўных, сапраўды актыўных, людзей ў Фаланстэры, якія вырашаюць напрамкі і будучае нашага грамадства!

Узровень 5: хацкер

Нельга статычна перайсці з "ыліты" да "хацкера".

"Хацкер" Фаланстэра - гэта чалавек, які стварае Фаланстэр кожны дзень.

І бярэ на сабе больш за адзін напрамак дзейнасці, і выкарыстоўвае інфрастуктуру і камунікацыі супольнасці па-максімуму.

Бярэ адказнасць "Думаць і ствараць Фаланстэр" як інструмент змянення грамадства.

Магчыма, у некаторы прамежак жыцця злівае свае эга з альтэр-эга арганізацыі :)

На гэтым узроўні ты:

1. Разуемеш мэту і логіку працы арганізацыі.
2. Падтрымліваеш актыўную дзейнасць арганізацыі і ўцягваеш новых людзей.
3. Ствараеш новыя напрамкі дзейнасці і ўкараняеш новыя тэхналогіі.