Мапа грамадскіх ініцыятыў — различия между версиями

Версия 10:56, 15 ноября 2017

Праблема і падставы для дзейнасці

Мы сутыкнуліся з праблемай на ўласным досведзе, што шмат, як новыя, так і ўжо працягла дзейнічаючыя арганізацый грамадзянскай супольнасці не ведаюць адна аб адной. Асабліва гэта характэрна для арганізацый з рэгіёнаў. Гэтыя абставіны змяншаюць патэнцыял кааперацыі паміж рознымі арганізацыямі.

Наступная праблема - гэта слабая заангажаванасць грамадства ў дзейнасці грамадскіх арганізацый. Гэту з'яву паказвае шэраг даследванняў, напрыклад, даследванне грамадзянскай супольнасці за 2017 год (на старонцы 13) або за 2011 год. Колькасць людзей якія заангажаваны у дзейнасць грамадскій арганізацый не больш чым 15%. Слабая заангажаванасць зніжае патэнцыял валанцёрства ў дзейнасці мясцовых супольнасцяў або арганізацый.

І апошні пункт - гэта слабая прадстаўленасць арганізацый анлайн і як вынік малая бачнасць для грамадства. Вядома, што арганізацыі могуць быць прадстаўлены ў медыя аглядах або некаторых даследваннях, але яны складана шукаемы простымі грамадзянамі.

Рашэнне і ўнікальнасць

Рашэнне

Мы хочам стварыць інтэрактыўную карту грамадскіх прастораў (арганізацый), якая будзе базавацца на адкрытых падыходах і супрацы розных супольнасцяў.

Мапа грамадскіх прастораў - гэта вэб-старонка, дзе, з аднаго боку, карыстач можа аглядаць месца і інфармацыю аб розных НКА. А з другога боку, неабмежаванае кола рэдактараў і арганізацый можа абнаўляць інфармацыю. Карыстачы могуць прымяняць розныя фільтры для выбару сваіх спецыфічных патрэбаў (напрыклады, час працы арганізацыі, або яе кірунак дзейнасці, дата абнаўлення) і геаграфіі.

Унікальнасць

Па-першае, дадзеныя захоўваюцца паводле адкрытых стандартаў. Гэта значыць, што ўся база дадезных можа быць скапіравана (экспартавана) у адзін клік і выкарыстана ў іншых праектах і даследваннях.

Па-другое, увесь код праекта захаваны ў адкрытым рэпазіторыі, напрыклад, на github.com. Больш за тое, Мы больш схільны будаваць тэхнічную супольнасць вакол праекта, чым выкарыстоўваць паслугі нейкай адной тэх.кампаніі як правадэра коду.

Па-трэцяе, і самае важнае, гэта Мапа абнаўляльная шырокім колам рэдактараў без прэмадэрацыі або якой-небудзь цэнзуры вузкага кола рэдактараў. Усе дадзеныя захоўваюцца ў двух базах: wikipedia.org і wikidata.org Узаемадзеянне паміж нашым вэб-прыкладаннем і вышэй пазначанымі базамі адбываецца праз адкрыты API (праграмны інтэрфейс).

У дадатак варта пазначыць, што стартавая заліўка базавых артыкылаў у Вікіпедыю адбываецца з дапамогай прадстаўнікоў супольнасці, таму, гэты праект у тым ліку павялічыць сувязі паміж вікі-супольнасцю і грамадскімі актывістамі, а тксама праз жаданне грамадскіх арганізацый/прастораў/праектаў трымаць інфармацыю аб сабе абноўленай.

Як вынік, мы маем большую кааперацыю паміж супольнасцямі, якая базуецца на захаванні і распаўсюдзе інфармацыі, а таксама шырокі удзел валанцёраў ў стварэнні і падтрыманні гэтых дадзеных. Больш за тое, гэты праект можа быць пашыральны на іншыя грамадскія прасторы (напрыклад, бібліятэкі, універсітэты), а таксама іншыя краіны.

Якія экспертызы ёсць у ініцыятара праекта

Фаланстэр - гэта маладзевая грамадскае аб'яднанне заснаванае ў 2010 годзе. Фаланстэр правёў шэраг праектаў, звязаных лічбавымі тэхналогіямі і кааперацыяй паміж супольнасцямі, напрыклад, праекты звязаныя з адкрытымі дадзенымі і падтрымкай супольнасці вакол гэтага падыходу, серыя мітапаў (2011 - 2015) прысвечаных тэхналогіям Лінукс, Друпал, адкрытым графічным прыладам і OpenStreetMap. Каманда Фаланстэра мае досвед аганізацыі і удзелу ў хакатонах (арганізатары, эксперты, удзельнікі).

Апошні год Фаланстэра сфакусаваны на трох асноўных накірунках.

Першы накірунак - Вікіфікацыя (з 2014 года). Гэты накірунак прасоўвае вікі-тэхналогіі і прынцыпы ў беларускае грамадства (праз узаемадзяення з інстытутамі асветы - школы, бібліятэкі, універсітэты) і падпітвае арганізацыйня патэнцыял мясцовай вікі-супольнасці.

Наступны - Градка (з 2014 года). Гэты кірунак звязаны з прасоўваннем прынцыпаў адкрытага і свадобнага доступа да кантэнта і ведаў (аснова Creative Commons), а таксама эканомікі шарынга. Найбольш значынм вынікам тут можна лічыць змены ў заканадаўства, якія палепшаць стан адкрытага ліцэнзавання для прадуктаў творчасці з 2018 года.

Трэці накірунак - гэта Лічбавая майстэрня (з 2016 года). Гэты праект закліканы дапамагаць грамадскім арганізацыям паляпшыць сваю лічбавую інфраструктуру, напрыклад, стварыць, адрамантаваць або развіць вэб-сайт, навучыць карыстацца або інтэграваць розныя вэб-сэрвісы ў працу ініцыятывы. Усе запыты грамадскіх арганізацый робяць айціваланцёры.

Спіс тэхналогіяў і кампэтэнцый

Для базавання гэтага дадатку мы плануем абраць LAMP і оўпэнсорсную (open source) платформу CMS як адмінку і бэкэнд.

Тэхналогіі і тэхнікі

• LAMP + іншыя - на разглядзе
• кантэнт створаны карыстальнікамі
• wikidata.org
• wikipedia.org
• база дадзеных ngo.by (праз API) - зараз на разглядзе.
• алічбаваныя вынікі запыту ад Міністэрства Юстыцыі.
• геаграфічныя каардынаты (якія базуюцца на адрасах)

Патрабуемыя кампэтенцыі і рэсурсы

• фасілітацыя ўзаемадзеяння паміж арганізацыямі і ініцыятывамі;
• фісілітацыя распраспрацоўкі патрабаванняў (даследванне патрэб);
• адукатарства: правядзенне майстар-класаў і кансультацыі для ініцыятыў;
• аналіз і апрацоўка дадзеных: ручная і машынная;
• праектаванне платформы (UX) і распрацоўка кода метадам scrum (agile);
• пашырэнне сеткі кантактаў з арганізацыямі;
• SMM і піяр-кампанія
• ....

Агульнае бачанне развіцця праекта

Падрыхтоўка (прыкладныя даты)

• Вясна 2018. Перамовы з ключавымі партнёрамі.
• Вясна 2018. Сумесны аналіз праекта з фокусам на рызыкі і ўстойлівасць.
• Вясна 2018. Перамовы з зацікаўленымі бакамі і супольнасцямі.
• Вясна-лета. Некалькі хакатонаў (арганізацыя або ўдзел), для фарміравання каманды распрацоўкі.
• Лета-восень. Кодынг і пілот (пачатак першай ітэрацыі)
• Восень. Прэзентацыйнае відэа.
• Позняя восень - зіма 2019. Серыя воркшопаў з грамадскімі арганізацыямі (сканчэнне першай ітэрацыі).

Першая ітэрацыя (3-4 месяцы) - вынікі

• Мапа паказвае 150-200 арганізацый
• Карыстальнік можа прымяніць фільтры (па накірункам, часу працы арганізацый і інш.) - трэба абмяркоўваць user story
• 30-50 арганізацый атрымалі веды, як яны могуць уздзейнічаць на інфармацыю карты.
• Адаптавана пад мабільныя прылады.
• Каля 3000 унікальных карыстальнікаў за першыя 3 месяцы.
• Задзейнічаецца супольнасць 3-5 распрацоўшчыка.
• Задзейнічана 10-15 валанцёраў для апрацоўкі дадзеных.

Другая ітэрацыя (3-4 месяцы)

• Мапа пашырана да 400-500 арганізацый.
• Дададзена шэраг найбольш папулярных фічаў (5 новых фічаў, напрыклад, інтэграцыя з сацыяльнымі сеткамі, фільтр па дадце абнаўлення)
• +50 арганізацый ведаюць пра гэту прыладу.
• + 5000 карыстальнікаў у дадатак да першай ітэрацыі.
• Задзейнічаецца супольнасць 5-7 распрацоўшчыкаў.
• Задзейнічана 15-20 валанцёраў для апрацоўкі дадзеных.

Трэцяя ітэрацыя (3-4 месяцы)

• Мапа пакрывае каля 1000 арганізацый.
• Вікіфікавана каля 150-300 новых арганізацый.
• Дададзены новыя фічы (напрыклад, арганізацыя без лакацыі, або арганізацыя з філіяламі, пашырэнне сац.сетак і інш.)
• +30-40 арганізацый ведаюць, як працаваць з дадзенымі.
• + 6000 тысяч наведвальнікаў
• Ствараны папулярныя гайды для карыстання платформай.
• Задзейнічана каля 30 валанцёраў для апрацоўкі дадзеных.

Бюджэт

для першай ітэрацыі (чарнавік)

• Асноўныя выдаткі 8000 EUR
  • Мабілізацыя супольнасці (удзел/арганізацыя хакатонаў) і даследванні - 3000 EUR
  • Падтрымка каманды распрацоўкі (матыватары і кам'юніці мерапрыемствы) - 3000 EUR
  • Асветніцкая кампанія (воркшопы для арганізацый - каля 5) - 1500 EUR
  • Адміністрацыйныя выдаткі - 500 EUR
• Усяго - 8000 EUR

для другой ітэрацыі

• Папярэдняя сума 12000 EUR - патрабуе разгляду

для трэцяй ітэрацыі

• Папярэдняя сума 7000 EUR - патрабуе разгляду

Што варта зрабіць у бліжэйшы час

• Скласці Lean Canvas (english) і прэзентацыю для замежных партнёраў у тым ліку.
• Стварыць формы дарожных мапаў з ключавымі партнёрамі у Беларусі.
• Прагаварыць з камандай арганізацыі і улучыць праект у стратэгічнае развіццё Фаланстэра 2018-2019

Цікавыя спасылкі

• Апісанне праекта праз карты думак
• праектная дошка (даследванне)