Роля - Піяр і камунікацыя

Піяршчык

Каманда Лічбавай майстэрні шукае піяршчыка для праекта Doika.

Піяршчык - гэта ўдзельнік каманды, які працуе з людзьмі і фарміраваннем устолійвых канструктыўных сувязяў каманды Doika з карыстальнікамі. Яго/яе дзейнасць насычана не толькі камунікацыямі, але і аналізам існуючай сітуацыі і разуменнем, як дыхае супольнасць вакол Doika.

Стажыроўка піяр мэнэджэра - выдатная магчымасць атрымаць унікальны досвед у прафесіі і сучасныя веды айці-тэхналогій.

Стажыроўка цягнецца 2 месяцы, па выніку якой мы можам залічыць на працу ў камандзе Лічбавай Майстэрні, або напісаць паспяховаму стажору рэкамендацыйны ліст.

Кампетэнцыі і якасці

• Гатоўнасць працаваць з камандай і анлайн прыладамі.
• Веданне, як весці дзелавую перапіску.
• Камунікатыўнасць.
• Базавыя навыкі напісання прэс-анонсаў і рэкламных абвестак.
• Уменне працаваць з людзьмі ў сацсетках на пабліках і рэале на беларускай мове.
• Аналіз статыстыкі, кантэнта сайта, сацыяльных сетак.
• Жаданне арганізоўваць мерапрыемствы афлайн.

Абавязкі

• Рэгулярна (2-3 разы на тыдзень) сачыць за падзеямі і арганізацыямі, якія гатовы пашырыць веданне пра Doika.
• Распавядаць пра магчымасці Doika патэнцыйным карыстальнікам.
• Даследваць досвед карыстальнікаў Doika і найбольш гарачыя для іх функцыі. Уважліва выслухваць іх заўвагі.
• Планаваць і рэалізоўваць камунікатыўныя стратэгіі, як на асобнае мерапрыемства (афлайн сустрэча), так і на пэўны прамежак часу (акцыі, конкурсы).
• Весці каналы ў сацсетках (2-3 разы на тыдзень) і там аператыўна адказваць на пытанні патэнцыйных або рэальных карыстальнікаў.
• Рыхтаваць (аднаўляць) прэзентацыю Doika для знешніх мерапрыемстваў (форумаў, канфэрэнцый).
• Арганізацыя сустрэч для мэтавай аўдыторыі (ў тым ліку па-за Мінскам) - 1-2 разы на месяц.
• Працаваць з кантэнтам (буклеты, лэндынг, FAQ), якая паляпшае ў карыстальнікаў разуменне працы з праектам.
• Рабіць што тыжнёвыя справаздачы для каманды.

Занятасць падчас стажыроўкі

• 2 месяцы
• 20 гадзін на тыдзень

Дадатковыя магчымасці

• Удзел у курсах і трэнінгах па спецыяльнасці.
• Выкарыстоўваць роварны куток для рамонту свайго ровара.

Наступны крок

1. Напішыце сваю матываюцыю.
2. Падшэйце рэзюмэ (CV) з досведам датычна піяршчыка.
3. Дашліце на адрас: falanster.by@gmail.com