Ролі ў Лічбавай майстэрні

Кантэнт мэнэджэр

удзельнік каманды Майстэрні, які адказвае за тое, каб веды і інфармацыя былі зручныя для выкарыстання іншымі. Гэтая роля працуе на стыку ўзаемадзяння з людзьмі і лічбавымі тэхналогіямі.

Мы чакаем студэнта/ку, гатовых хутка асвоіцца з нашым працоўным асяроддзем.

Праца можа абывацца, як у нас на офісе, так і ўдалена, у тым ліку на знешніх мерапрыемствах. Праца насычана камунікацыямі.

Кампетэнцыі

• Гатоўнасць працаваць з камандай і анлайн прыладамі.
• Працоўныя мовы: беларуская і англійская.
• Валоданне вікітэхналогіямі вітаецца.
• Базавыя веды прызначэння CRM.
• Хуткая навучальнасць лічбавым тэхналогіям.
• Базавыя навыкі пісаць тэксты і аналізаваць дадзеныя.

Абавязкі

• Рэгулярнае паляпшэнне даступнасці ведаў, як для ўдзельнікаў арганізацыі, так і для знешніх наведвальнікаў.
• Вядзенне баз дадзеных. Дапаўненне існуючых запісаў, стварэнне новых.
• Стварэнне рассылак, шаблонаў навучання, наладка ботаў.
• Аналіз статыстык і дадзеных, якія накоплівае арганізацыя.

Занятасць

3 месяцы. 20 гадзін на тыдзень. Падчас стажыроўкі забяспечваем праяздным білетам(і) і абедамі, а таксама купай новых і карысных ведаў.

Піяршчык

Піяршчык - гэта ўдзельнік каманды, які працуе з прасоўваннем супольнасці. Яго дзейнасць насычана не толькі камунікацыямі, але і аналізам існуючай сітуацыі і разуменнем, як дыхае супольнасць вакол Лічбавай Майстэрні і Фаланстэра.

Стажыроўка піяр мэнэджэрам - выдатная магчымасць атрымаць унікальны досвед у прафесіі і сучасныя веды тэхналогій, з якімі потым можна лёгка ўладкавацца на працу.

У выпадку паспяховай стажыроўкі мы гатовыя напісаць стажору рэкамендацыйны ліст.

Кампетэнцыі і якасці

• Гатоўнасць працаваць з камандай і анлайн прыладамі.
• Веданне, як весці дзелавую перапіску.
• Базавыя навыкі напісання прэс-анонсаў і рэкламных абвестак.
• Уменне працаваць з людзьмі ў сацсетках на пабліках.
• Камунікатыўнасць.
• Аналіз статыстыкі і кантэнта сайта, сацыяльных сетак.

Абавязкі

• Рэгулярна сачыць за падзеямі і арганізацыямі, дзе можна запартнёрыцца.
• Даследваць аўдыторыю сацыяльных сетак і афлайн-падзей.
• Складаць апытальнікі і праводзіць сац.даследванні.
• Планаваць і рэалізоўваць камунікатыўныя стратэгіі, як на асобнае мерапрыемства, так і на пэўны прамежак часу.

Занятасць

3 месяцы. 20 гадзін на тыдзень. Падчас стажыроўкі забяспечваем праяздным білетам(і) і абедамі, а таксама купай новых і карысных ведаў.

Рэдактар блога ЛМ

Рэдактар блога - гэта роля ў камандзе, якая будзе насычаная працай з тэкстамі, фота, крыху з відэа, а таксама з людзьмі. Рэдактар таксама вырашае, як і чым фарміраваць плыню пастоў блога https://it.falanster.by/blog/ або https://falanster.by/be/news/.

Кампетэнцыі і якасці

• Цікавасць да лічбавых тэхналогіяў і грамадскіх працэсаў у краіне і за мяжой.
• Веданне беларускай мовы.
• Гарачае жаданне працы з тэкстамі і фота.
• Хуткая навучальнасць новым тэхналогіям і метадам.
• Падзяленне каштоўнасцяў адкрытасці, узаемадапамогі, прыватнасці.
• Базавыя ўменні апрацоўваць відэа вітаюцца.

Абавязкі

• Падрыхтоўка да публікацыі тэкстаў або карэкцыя (вычытка) ўжо запошчаных тэкстаў.
• Арганізацыя рэгулярных сустрэч з аўтарамі, прыцягненне новых аўтараў.
• Планаванне публікацый на тыдзень, месяц, квартал.
• Стварэнне матэрыялаў (тэкст, фота, відэа) з падзеяў арганізацыі: інтэрв'ю, аналітыкі і інш.
• Удзел у знешніх падзеях на айці- і грамадскую тэматыку.

Занятасць

3 месяцы. 20 гадзін на тыдзень. Падчас стажыроўкі забяспечваем праяздным білетам(і) і абедамі, а таксама купай новых і карысных ведаў.

Праектны мэнэджэр

Праектны мэнэджэр - гэта чалавек, які звязаны як з тэарэтычнай, так і з практычнай часткай працы каманды. З аднаго боку, ён/яна плануе дзейнасць, складае праектную дакументацыю, аналізуе мэты, задачы, актыўнасць арганізацыі. З іншага боку, ён/яна ўцягнуты/а ў практычную рэалізацыю праектаў, дзе займаецца пастаноўкай задач, каардынацыяй нагрузкі, забеспячэннем умоў працы каманды.

Кампетэнцыі і якасці

• Гатоўнасць працаваць з камандай і анлайн прыладамі.
• Веданне, як весці дзелавую перапіску.
• Веданне асноваў праектнага планавання.
• Уменне праводзіць аналіз і даследванні па прыкладной вобласці праекта.
• Базавае веданне англійскай мовы на ўзроўні чытання дакументацыі і вядзення перапіскі.
• Досвед у рэалізацыі валанцёрскіх праектаў або у ролі валанцёра, або каардынатара.

Абавязкі

• Пошук магчымых конкурсаў, праектаў
• Аналіз праектных патрабаванняў і іх дакументаванне
• Перапіска з партнёрамі.
• Правядзенні даследванняў і аналізу існуючай праблемы.
• Афармленне канспектаў сустрэч каманды па планаванню дзейнасці
• Складанне праектнай дакументацыі

Занятасць

• 3 месяцы.
• 20 гадзін на тыдзень.
• Падчас стажыроўкі забяспечваем праяздным білетам(і) і абедамі, а таксама купай новых знаёмстваў і карысных ведаў.