Робім візу для ўдзельнікаў Фаланстэра

Гэтая старонка будзе карысна тым, хто ўпершыню падаецца на візу праз Візавы Цэнтр Польшчы

Этап першы: запыт ў Фаланстэры

1. Закрыць усе пазыкі па членскім унёскам.
2. Зайсцi на дошку https://trello.com/b/V6PZtI1w/falanster-eu-affiliate
3. Стварыць сабе картку ў слупку "Дзейнасць" з назвай Запыт на візу.
4. Стварыць копію дока на гугле https://docs.google.com/document/d/1w-i01Go92BDRqftpc7K2fBNPh_keQz4IcxVEWQeBpJE/edit
5. Мы там усё абмеркуем па датах і ролі. !Трэба дадаць дату, калі вы хочаце пачаць візу!
6. Любы данэйт вітаецца=)

Этап другi: запіс у візавы цэнтр

Маніторыць выкід новых дат для запісу ў Мінску можна на старонцы форума https://forum.onliner.by/viewtopic.php?t=17681126&start=3800 ці патэлефанаваўшы ў візавы цэнтр па тэлефону ніжэй.

Запісацца ў візавы цэнтр можна дзвума шляхамі:

• па тэлефону (+375 17) 388 02 46
• праз электронную заяўку http://www.vfsglobal.com/poland/belarus/Schedule_an_Appointment1.html

Запісвацца пажадана максімальна хутка, бо могуць скончыцца патрэбныя даты. Гавораць, што калі званіць а не запісвацца электронна, то верагоднасць патрапіць на тую дату, што патрэбна, у разы больш высокая. Калі пры электронным запісе дапусцілі памылку (напрыклад, не так напісалі фамілію) - можна перамовіць па пошце (info.polminsk@vfshelpline.com) з прадстаўнікамі цэнтра (звычкі праблемы вырашаюцца).

Этап трэйцi: сбор дакументаў

Для пачатку - вызначаем тып візы. Нам падыходзіць Кароткатэрминовая Віза С. Далей вызначаем мэту паездкі. Ад мэты залежыць набор дакументаў, які трэба будзе падаваць. Наша мэта - Культурныя, навуковыя ці творчыя мерапрыемствы.

Неабходныя дакументы (у тым парадку, як іх патрабуюць падаваць у цэнтры):

1. Згода на апрацоўку персанальных дадзеных (гэтую паперу дадуць у самім цэнтры на уваходзе, трэба будзе запоўніць свае дадзеныя і распісацца)
2. Запоўнены і падпісаны бланк анкеты (спасылка на прыклад) з ужо прыклееным фотаздымкам 3,5х4,5 (здымак павінен быць не старэйшы за паўгады, зрабіць яго можна у цэнтры за грошы).
3. Копія страхавога поліса (сам поліс можна зрабіць у цэнтры за грошы)
4. 2 копіі старонак пашпарта з персанальнымі дадзенымі (маецца на увазе 32-33 старонкі з фотаздымкам). На сайце гавораць пра адну копію - але патрабуюць дзве. У цэнтры ёсць ксеракс, копіі можна зрабіць за грошы. Нажніцы, клей і асадкі ёсць таксама.
5. Арыгінал і копія запрашэння ад арганізатараў мерапрыемства (на сайце пішуць - з пералікам удзельнікаў, інфармацыяй па сроках рэалізацыі праграмы, а таксама звестках па старане, якая бярэ на сябе выдаткі, што звязаны з вандроўкай)
6. Копіі Шэнген віз за апошнія 3 гады (на сайце пра гэта анічога не гаворыцца)
7. Выпіска з банка па рахунку/ дзейсная крэдытная карта(выпіска з яе) /спраўка з месца працы за апошнія 3 месяцы (прыкладала выпіску з карткі. Рахунак арганізацыі, ад якой прыходзіла запрашэнне, не спатрэбіўся - вярнулі назад)
8. Пашпарт (які быў выдадзены не пазжэй за 10 год; які будзе дзейнічаць не менш за 3 месяцы апасля вашага плануемага вяртання з шэнген-зоны і ў якім ёсць хаця б дзве чыстыя старонкі)