Роля "Каардынатар валанцёраў"

Материал из Вікі Фаланстэра
Перейти к: навигация, поиск

Каардынатар валанцёраў — роля ў камандзе, якая факусуецца на людзях, камунікацыях з імі. Веданне арганізацыйных справаў з’яўляецца ключавым для таго, каб кампетэнтна ўключаць новых людзей у праекты арганізацыі.

Абавязкі

  • Праводзіць сустрэчы з новымі валанцёрамі і рабіць уводзіны ў арганізацыю.
  • Дапамагаць пачаткоўцам уцягвацца ў праекты арганізацыі.
  • Распрацоўваць і выконваць план прыцягнення новых валанцёраў.
  • Весці базу даных валанцёраў.
  • Арганізоўваць мерапрыемствы па падтрыманні сувязяў з новымі і дасведчанымі валанцёрамі.
  • Займацца распрацоўкай і праверкай тэставых заданняў для валанцёраў.
  • Арыентавацца ў праектах і планах арганізацыі.
  • Шукаць месцы і групы па мабілізацыі валанцёраў у дзейнасць арганізацыі.

Абавязкі па стане на 15.12.2018

  1. Распавядаць пра дзейнасць арганізацыі і накірункі новым удзельнікам.
  2. Збіраць у каардынатараў праектаў і накірункаў патрэбы па валанцерах.
  3. Знаходзіць і накіроўваць людзей на праекты згодна патрэбам каардынатараў.
  4. Афармляць дамовы са стажорамі і практыкантамі, адсочваць стварэнне і вядзенне профіляў у вікі, весці інфармацыю па валанцерам у crm.
  5. Адсочваць ідэі праектаў і клубаў, аналізаваць іх на прадмет актуальнасці і дасяжнасці рэалізацыі ў існуючых умовах, і перанакіроўваць на абраныя (разам са старшыней) валанцераў, якія нічым не занятыя.
  6. Збіраць водгукі пра валанцерства кожныя 2 месяцы (стварыць, даваць запоўніць анкету).
  7. Збіраць выніковыя анкеты стажораў напрыканцы.
  8. Раз на 2-3 месяцы збіраць водгукі пра валанцерства ў Фаланстэре ў якасці невялічкага артыкула, відэа-водгука альбо неяк інакш (творчы падыход).
  9. Арганізоўваць разам з камандай Фаланстэра раз на тры месяцы "пасвячэнне" у чальцы Фаланстэра і прымаць у ім актыўны ўдзел.
  10. Быць адказным за правядзенне нефармальных мерапрыемстваў, арганізоўваць і мабілізаваць іншых чальцоў каманды і валанцераў на дапамогу.

Паўнамоцтва

  • выкарыстоўваць сацыяльныя сеткі і рассылку Фаланстэра;
  • выкарыстоўваць акаўнт Фаланстэра на тут.бай;
  • мець уласны паштовы акаўнт на сервере Ф і выкарыстоўваць яго для справаў па перапіске з зацікаўленымі ў валанцерстве, практыке, стажыроўке;
  • запытваць дапамогу ў пошуке і фармулеўке тэставых задач, у іх экспертнай праверке (першыя 6 мес. дакладна);
  • дамаўляцца пра працу на базе і быць на ей ў пэўны час;
  • пытаць пра наяўнасць і выкарыстоўваць лічбавыя праграмы, якія есць у Фаланстэре дзеля сваей паспяховай дзейнасці;
  • карыстацца неабходным абсталяваннем у памяшканні Фаланстэра.

Кампетэнцыі і якасці

  • Жаданне знаёміцца і працаваць з новымі людзьмі, якія прыходзяць у арганізацыю.
  • Уменне якасна і дэтальна апісаць заданні.
  • Базавыя веданні планавання і правядзення мерапрыемстваў для ўдзельнікаў арганізацыі.
  • Адкрытасць да лічбавых тэхналогіяў і павага лічбавых правоў.
  • Уменне арыентавацца ў вялікім патоку арганізацыйнай інфармацыі (праекты, мерапрыемствы, бягучыя задачы, статэгічныя мэты).

Занятасць і што прапануем

  • падчас стажыроўкі забеспячэнне камунікатыўных (мабільны інтэрнэт) і транспартных выдаткаў (праезны на ўсе віды транспарту);
  • цікавы калектыў, практыку беларускай і англійскай моваў, новыя знаёмствы з разумнымі і актыўнымі людзьмі;
  • працягласць стажыроўкі 3-6 месяцаў;
  • пракачку ў лічбавых тэхналогіях датычна працы каманды;
  • тыднёвую занятасць каля 20 гадзін;
  • па выніках стажыроўкі мы пішам рэкамендацыйны ліст, а таксама садзейнічаем прафесійнаму росту

Крытэры паспяховасці стажыроўкі

  • Колькасць прыцягнутых валанцёраў.
  • Колькасць праведзеных унутраных мерапрыемстваў з валанцёрамі.
  • Колькасць рэалізаваных праектаў па прыцягненні валанцёраў.
  • Колькасць напісаных тэставых задач.
  • Колькасць уцягнутых у праекты валанцёраў.

У выпадку паспяховай стажыроўкі мы гатовыя напісаць стажору рэкамендацыйны ліст.

У нашай арганізацыі добрая магчымасць развіваць англійскую і беларускую мовы, дзелавую перапіску, свае арганізацыйныя і камунікатыўныя здольнасці.

У супрацы з людзьмі нам важна ўзаемадапамога, адкрытасць, уключанасць, а таксама займацца любімай справай.