Як працуем са стажыроўкай, валанцёрствам і практыкай — различия между версиями

Версия 14:37, 19 октября 2017

У гэтым артыкуле робім агляд толькі фармальнага боку. Фармальны бок дае нам магчымасць:

1. больш дакладна вызначаць занятасць новага ўдзельніка,
2. узаемныя правы і абавязкі,
3. а таксама вызначыць крытэры паспяховасці.

 Для выканання фармальнага кроку ўсе ролі павінны мець свой профіль у гэтай вікі. 
 У профілі будзе складзены спіс задач кожнай ролі.

Валанцёрства

1. Сумесна з валанцёрам каманда вызначае, тэрмін і прыблізны тэматычны кірунак удзелу, складае спіс ключавых задач.
2. Дамова заключаецца з валанцёрам на пэўны тэрмін (як правіла 5-6 месяцаў), але можа быць працягнута аўтаматычна пасля сканчэння. У Дамову заносіцца вікі профіль валанцёра, час занятасці і іншыя пункты па ўзаемнай згодзе.
3. Пасля паспяховага валанцёрства мы выпісваем сертыфікат валанцёра і, калі патрэбна рэкамендацыйны ліст на тэматычныя мерапрыемствы або праграму EVS.

Стажыроўка

1. Сумесна са стажорам каманда Фаланстэра вызначае дакладны тэматычны кірунак удзелу стажора і складае спіс задач.
2. Дамова заключаецца са стажорам на пэўны тэрмін (як правіла 3-6 месяцаў) з занясеннем туды вікі профіля стажора (у гэтай вікі), часу занятасці і іншыя пункты па ўзаемнай згодзе.
3. Пасля паспяховага праходжання стажора мы выпісваем сертыфікат праходжання стажыроўкі і, калі патрэбна рэкамендацыйны ліст на тэматычныя мерапрыемствы.

Практыка

1. Сумесна з практыкантам вызначаем кола задач на практыку. Задачы дэталізуюцца перад пачаткам практыкі.
2. Дамова заключаецца з практыкантам на пэўны тэрмін (як правіла 1-2 месяцы). У Дамову заносіцца вікі профіль практыканта, час занятасці і іншыя пункты па ўзаемнай згодзе.
3. Пасля паспяховай практыкі мы падпісваем дзённік практыканта і пішам водгук для ўніверсітэта.

Карысныя спасылкі

• Азначэнні практыкі, валанцёрства і стажыроўкі
• Нашы спасылкі на анкеты і тэматычныя дошкі
• Спіс шаблонаў дамоваў Фаланстэра
• Пазіцыі стажыроўкі для праекта Лічбавая майстэрня