Картка Фаланстэра

Falanster Card

Фаланстэр - арганізацыя, адкрытая для супрацы з шырокім колам грамадскіх супольнасцей, некамерцыйных і камерцыйных арганізацый, актывістаў і ініцыятыў.

Наша місія: З дапамогай адкрытых і свабодных лічбавых і гуманітарных тэхналогій ствараць больш аўтаномнае і дынамічнае беларускае грамадства.

Нашы каштоўнасці: Інаватыўнасць, Аўтаномнасць, Калектывізм, Адкрытасць,Узаемадапамога, Уключанасць, Сацыяльная роўнасць,

Тэгі

тэхналогіі для грамадства (civictech), лічбавыя правы, адкрыты код, адкрытыя дадзеныя, агульныя лічбавыя даброты, супольнасны падыход, айці-валанцёрства, электронны удзел, эканоміка супольнасці, шарынг, адкрытае (сама)кіраванне.

Чытаць больш у профілі Фаланстэра.

З кім супрацоўнічаем і нашы прынцыпы супрацы

Мы супрацоўнічаем з ініцыятывамі з розных гарадоў і мястэчак Беларусі, мы адкрыты для міжнацыянальнай супрацы, таксама як супольнасцяў, якія знаходзяцца у пэале, або дзейнічаюць анлайн. Нам важна:

• Адкрытасць і празрыстасць ва ўсіх пытаннях, якія датычацца сумеснай працы.
• Узаемная адказнасць.
• Дакладнае падзяленне роляў і абавязкаў паміж бакамі.
• Выпрацоўванне механізму супрацы: перыядычнасці сустрэчаў і інструментаў камунікацыі.
• Узаемадапамога і 100% ўключанасць у справу з кожнага боку.

Мы будзем рады знайсці партнёраў для

• Сумеснай дзейнасці. Справа, якую вы хочаце рабіць разам з намі, павінна быць сугучнай місіі і каштоўнасцям Фаланстэра.
• Правядзення мерапрыемстваў пры тых жа ўмовах + мы яднаем нашы чалавечыя і/ці матэрыяльныя рэсурсы.
• У рамках праекта Улазіны 2.0.

Таксама адкрыты для супрацы з актывістамі

• Мы будзем рады прыняць у Фаланстэр актывістаў, якія падзяляюць нашы каштоўнасці і місію і жадаюць ладзіць ініцыятыву ў межах аднаго з бягучых накірункаў ці стварыць і весці новы, які адпавядае місіі Фаланстэра.

Нашы рэсурсы

• памяшканне ў цэнтры горада (умяшчальнасць 20-30 чалавек), памер - 30 m², 15m².
• вайфай;
• роварны куток, (як інструментамі, так і разыходнікамі);
• бойлер і імбрык;
• праектар, экран, калонкі;
• 2 сталы і каля 25 крэсел.
• дошка, маркеры, папера, асадкі, алоўкі, іншая канцылярыя, якая знаходзіцца ў агульным доступе;
• лэптопы, навушнікі, мышкі;
• вэб-сэрвісы: grammarly, realtimeboard, zapier, mindmeister;
• паліца Буккросінга і бібліятэка Фаланстэра;
• актыўныя айці-валанцеры і магчымасць прыцягнуць новых, у тым ліку па гуманітарным кірунках;
• сродкі камунікацыі: рассылка Фаланстэра і Лічбавай Майстэрні, суполкі ў Vk і Fb.

Мы маем вялікі досвед

• працы з валанцёрамі і менавіта з айці-валанцёрамі;
• кіраванне айці-праектамі;
• кіраванне праектамі ў дыстанцыйных камандах праз онлайн прылады;
• арганізацыя мерапрыемстваў да некалькіх соцен людзей;
• праца з опэнсорс праграмамі, ОС Linux, опэнсорс графічныя прылады Gimp, InkScape, праца з відэа ў Blender;
• арганізацыя працы з калектыўным досведам праз вікі, праца з беларускай Вікіпедыяй і вікі-супольнасцю;
• арганізацыя празрыстых працэсаў працы і прыняцця рашэнняў у камандзе;
• у разгортванні мэш-сетак (гаразынтальных wi-fi сетак для камунікацый на адмысловай тэрыторыі, ці мерапрыемстве);
• веды па тэмах аўтарскага права і лева, адкрытых ліцэнзій Creative Commons, свабоднай культуры і эканомікі шарынга (у Беларусі і ва ўсім свеце);
• лічбавай бяспецы і прыватнасці, працы з тэхналогіямі арганізацыі бяспекі у камандзе і асабістай бяспекі;
• і нават маем досвед вермі-тэхналогій у гарадскіх умовах або зэраарганік вэйст.

Нашы партнёры 2018 год

• Івэнтспэйс, Датахата, Zapier, ЗБС, ITMine, Stormnet, oeec.by, Грамадзянски форум, Торбашоў, Альфа і амега, Адукацыя.інфа, Цэнтр беларускай мовы (Гомель), Дзедзіч (Брэст), Фонд "Новая Еўразія", Асамблея НДА Беларусi, High-Tech Club KV.by, Будзьма беларусамі!, Wechange.de, Kartevonmorgen.

Звязацца з намі

• Каб прапанаваць партнёрства, калі ласка, напішыце ліст на falanster.by@gmail.com
• ці запаўняйце анкету.

Карысныя спасылкі

• Профiль Фаланстэра